ТАЧЕ ЯЛЫШТЕ

Тачысе темылан: Пӱшкылеш гынат, мӱйжӧ тамле

Ноябрь кыдалне Киров олаште, Вятке кугыжаныш ялозанлык академийыште, мӱкшызӧ-влакын регион-влак кокласе III съездышт эртыме нерген газетна увертарен ыле. Тылеч вара Юл кундем кугыжаныш технологий университетын тунемме да опытым эртарыме чодыра озанлыкышкыже республикысе мӱкшызӧ-влакым погымо. Тушто семинар-совещаний лийын. Погынымашлаште могай йодышым каҥашыме? 

Пошкудышто сайрак йӧным ыштыме

Регион-влак кокласе съездым тиде гана Киров олаште мӱкш ончышо-влакын «Вятка» областной мер организацийыштым ыштымылан нылле ий темме лӱмгече дене кылдыме ыле. Съезд утларакше научно-практический конференцийым ушештарыш. Вет тушто шукыжым мӱкш ончышо-влакым тургыжландарыше ятыр йодышым каҥашыме. Мутланымашке шанчыеҥ-влакымат ушымо.

Марий Эл гыч мийыше делегацийым мӱкш ончышо-влакын «Вятка» мер ушем правлений вуйлатышын алмаштышыже В.Черных тиде обществын айлыме пӧртыштыжӧ вашлие. Шуко пачашан пӧртын эн йымал ужашыжым пӱтынек тиде ушем айла. Тушто ушем вуйлатыше-влакын пӧлемышт деч посна мӱкшызӧ-влаклан тӱрлӧ ӱзгарым, ветпрепаратым ужалыше кевыт, кандим (мӱкшлан пукшышаш мӱй да сакырложаш гыч ямдылыме ешартыш кочкыш) ямдылыме цех, погынымашым эртараш келыштарыме пӧлем-класс, ятыр тӱрлӧ сатум аралыме вер улыт. Ушемын олаштак эше кок кевытше уло. Тыгак вощиным ямдылыме цехше ӱшаным сайын сула. Тылеч посна Кировыштак среднерусский урлык мӱкш шотышто слекций рӱдер верланен. Ушем мӱкшызӧ-влаклан шке сатуштым ужалаш йӧным ыштышашлан ярмиҥгам эртара, ой-каҥаш дене полша.

Кумданрак — «Марий Эл» газетын
2017 ий 25 ноябрьыште лекше номерыштыже лудын кертыда

В.Смоленцев.

Опубликовать в Одноклассники