КУЧЕМ УВЕР

Манеш-манеш да чын

Сулен налме канышыште улшо граждан-влак коклаште пытартыш жапыште манеш-манеш шарлен: пуйто 2020 ий гыч паша гыч кайыше пенсионер-шамычлан индексацийым ыштым чарнат, да тудым йӧршын огыт пу, сандене паша гыч октябрь марте каен шуктыман. Тидын шумлык Россий Пенсий фондын верласе органлашкыже толшо-влак кечын ешаралтыт.

Россий Пенсий фондын Марий Элысе пӧлкаже увертара: тиде – манеш-манеш, пенсий законодательствысе вашталтыш-влак пашам ыштыше пенсионер-шамычын пенсий кугытыштын индексацийжым шотлен лукмо процедур дене кылдалтын огытыл. Чыла пенсий ик семын индексироватлалтеш, но пашам ыштымыж годым айдеме пенсийым тудын деч посна налеш, паша гыч кайымекыже – чыла план почеш индексироватлымым.

   Индексироватлыме пенсий паша гыч кайыме вес тылзе гыч палемдалтеш, тичмаш пенсий – кум тылзе гыч, но тыгодым тудо компенсироватлыме лиеш.

Пенсионер тылеч вара угыч пашаш пура гын, страховой пенсийже огеш изем.

Пенсий обеспечений дене кылдалтше чыла йодышым Россий Пенсий фондын Марий Элысе пӧлкажын 8-800-100-16-80 номеран шокшо линийже але Вконтакте, Facebook, Twitter соцсетьласе официальный группыжо-влак полшымо дене рашемдаш лиеш.

М.ИВАНОВА

Опубликовать в Одноклассники

Добавить комментарий