Волжский районысо Памар тӱвыра пӧртыштӧ Парикмахерын кечыже эртен.
Эше кугезе мудреч-влак ойленыт: «Ӱп – айдемым Сандалык дене ушышо кыл». Тидымак шотыш налын, илышыште ала-мом вашталташ шонымо годым… причёскым уэмдаш темленыт.
Мероприятийыште тӱвыра пӧртын художественный вуйлатышыже А.Милицкая парикмахер профессийын историйже дене палдарен. Парикмахер Л.Белова ӱпым тӱрлӧ семын пунымо, причёскым писын ыштыме шотышто мастер-классым ончыктен. Тудын полшымыж дене кумылан-шамыч гламурный манме «почым» ыштен онченыт.
Шкешотан пайрем тӱрлӧ причёскым ончыктымо, мурымо-куштымо номерла дене мучашлалтын.
М.ИВАНОВА
