Тыгай лӱман у скверым Волжский районлан 80 ий темме лӱмеш Купсола села кыдалне почмо.
Пайрем йоча флешмоб дене почылтын. Вара фанфар ден «Таче ялыште пайрем» муро йоҥгалтыныт.
Купсолаште илыше-влакым скверым почмо кече дене Волжский район администрацийым вуйлатыше Т.Ильина, «Волжский муниципальный район» муниципальный образованийым вуйлатыше А.Макаров, Марий Элыште айдемын праваж шотышто уполномоченный Л.Яковлева, Марий тӱвыра рӱдерым вуйлатыше Н.Пушкина шокшын саламленыт. Чоҥышо организацийын подрядчикше А.Протасов скверын «сравочшым» Купсола ял шотан илем администрацийым вуйлатыше В.Сергеевлан кучыктен.
Пайремым мурызо-влак С.Осипова, В.Матвеев да С.Пакеев сӧрастареныт.
Купсола ял шотан илемын депутатше-влакын у составышт сайлыше-влаклан чапле фейерверкым пӧлеклен.
М.ИВАНОВА
