СОЦИАЛ ИЛЫШ

Месячник тӱҥалеш

Ола кумдыкышто арулыкым да порядкым эскераш манын, Йошкар-Олаште шушаш кушкыжмо гыч уремым шӱкшак деч эрыктен тӱзатыме шыже месячник тӱҥалеш да 4 октябрь марте шуйна.

Ты пашам «Йошкар-Ола» ола округ администрацийын ола озанлык управленийже виктарен шогаш тӱҥалеш.

Ола кӧргыштӧ шушаш субботникым эртарыме жапым – 17 сентябрь ден 4 октябрьым – палемдыме.

Шуко пачеран пӧртым обслуживатлыше виктарыше организацийлан, ТСЖ-лан, ТСН-лан, ЖСК-лан, ТОС-лан, юридический да физический лица-влаклан темлыме:

– ола округ администрацийын ола озанлык управленийышкыже шуко пачашан пӧрт ончылсо, пеленсе кумдыкым, корно воктенсе газоным эрыктыме планым пуышаш;

– кудывече кумдыкышто пушеҥге ден вондым (ола администраций экологий комитет да пӱртӱс дене пайдаланыме комитет дене келыштарен) шыдыман;

– ӱштын оралыме ошма, кукшо лышташ, шӱк-куштыра орам оптымо, лӱҥгышӧ, мерчаҥын камвочшо пушеҥгым пӱчкын кораҥдыме сомылым шотыш кондыман;

– пӧрт пеленысе меҥгыш, пырдыжыш, пӧрт фасадыш клеитлыме увертарымашым возымо моло кагазым налын кораҥдыман;

– олакӧргӧ (общегородской) субботникыш лекше -шамычлан шӱкым кораҥдашл мешакым, тӱрлӧ инвентарьым, транспортым ямдылыме да ситарыме пашам шуктен шогаш;

Тидын шотыштак муниципал передприятийым вуйлатыше ден виктарыше организаций-шамыч ола администрацийын ола озанлык управленийышкыже ыштыме паша нерген, пеҥгыде коммунал шӱкшак лукмо кугытым, сметым, паладрен шогышаш. Санкционироватлыдыме шӱкшак орам кораҥдаш мыняр техникым, еҥым  кучылтмым палдарен шогышаш.

Р.ЧЕПАКОВА ямдылен.

Опубликовать в Одноклассники

Добавить комментарий