Марий Элын Социальный вияҥмаш министерствыже «Интернетлан тау – 2019» всероссийский конкурсыш йодмашым налеш.
Конкурсыш компьютер да интернет дене пайдаланаш, тыгак пашам ышташ тунемше 50 ий деч кугурак ийготан еҥ-влак ушнен кертыт. Йодмашым «Интернетын азбукыжо» сайтыште «Gosuslugi. ru портал, мыйын опытем», «Мыйын интернет-сеҥымашем», «Интернет-предприниматель, интернет-работодатель», «Мыйын мер интернет-тӱҥалтышем» номинаций-влакын темыштлан келшен толшо конкурслык эссе-паша дене пырля 14 октябрь йотке пуэн шуктыман.
Тымарте конкурсыш кок тӱжем утла йодмаш пурен, ныллыже – Марий Эл гыч.
Конкурс илалше тукымын цифровой грамотшым нӧлталме, пенсионер-влаклан пашам муаш, тыгак кугыжаныш электрон услуго-шамыч дене пайдаланаш, ӱмырым чолган эртараш полшымо шонымаш дене эрта.
М.ИВАНОВА