КУЛЬТУР ДА ИСКУССТВО

Акпарс ИВАНОВ: «Айдеме шкенжым кышкарыште кучышаш огыл»

Тудо М.Щепкин лӱмеш кӱшыл театр училищын марий студийжым 2015 ийыште тунемын пытарыше артист-влак кокла гыч – иктыже.  Ынде ныл ий М.Шкетан лӱмеш Марий драме театрыште ышта. Тӱҥалтыште тӱшка сценылаште, эпизод шотан рольышто  лектын гын, кодшо  тургымышто  ончышо тудын пашажым кугу материалыште эскерыш. «Элнет» спектакльыште Акпарс Иванов тӱҥ рольым модо,  Григорий Петрович Ветканын образшым чоҥыш. Премьер годым ӧрмалгышырак, шекланышырак ыле гын, ик спектакль гыч весыш пеҥгыдемын толмыжо рашемеш, шкенжым утларак ӱшанлын куча.

Тенийысе тургымышто ончышо Акпарсым  эше ик кугу да оҥай рольышто ужын кертеш.  «Илена – йӱлена» спектакльыште тудо доктор Микайым модаш тӱҥалеш.

А мый тиде  актерым эше вес могырым эскерем.  Акпарс самырык-влак, театр дене кылдалтше  тӱрлӧ форумлашке ушна, чолгалыкым ончыкта.

Мутлан,  тений шошым М.Шкетан лӱмеш драме театрын икмыняр еҥже дене пырля  Нижний Новгородышто эртыше «Россий театр – XXI курым. У ончалтыш» лӱман  форумыш миен ыле. Драматический театрын артистше-влак дене пырля Акпарс  сценыште кутырымо, коштмо мастер-класслаште  мастарлыкым шуарен.

А кеҥежым  тудо  Крымыште эртыше «Таврида» усталык форумын театр сменыжын участникше лийын.  Тушко логалшашлан эше идалык тӱҥалтыштак  интернет гоч  йодмашым пуаш, вара усталык заданий-влакым шукташ кӱлын. Тидын нерген шкеже теве кузе каласкала.

УМБАКЫЖЕ ГАЗЕТЫН КУГАРНЯ НОМЕРЫШТЫЖЕ ЛУДАШ ТЕМЛЕНА!!!

Опубликовать в Одноклассники

Добавить комментарий