СПОРТ

Капым лывырташ – у вер

«Демографий» национальный проект кышкарыште «Спорт – норма жизни» федерал проектым илышыш шыҥдарыме амал дене Семёновка селаште физкультурно-тазаҥдыме комплекс лийшаш. Тудо моло ФОК дене таҥастарымаште бассейн деч посна да уремеш келыштаралтшаш.

Площадке олимпийский резерв училище пелен йєнештаралтеш. Ты комплексым ышташ тӱҥалаш училищыш оборудованийымат конденыт. Тичмаш комплекс сентябрьыште лийын шушаш гын, монтажшым ноябрьлан палемденыт.

Тиде физкультурно-тазаҥдыме комплексыште футбол пасулан искусственный шартыш лиеш. Тыгак вургемым алмаштен чияш ырыктыман  блок-контейнер йӧн дене келыштарыме вер ямдылалтеш. Уремыште тренироватлалташ тренажёр-влак, функциональный тренинглан оборудований, куржталаш шуко функциян рулонан шартыш, куштылго атлетике дене заниматлаш посна оборудований, кужытыш да кӱкшытыш тєрштылаш сектор, поген шындыман да кораҥдыман трибуно, бадминтонла модаш мобильный стойко, тыгаяк, мобильный баскетбол площадке физкультур да спортлан кумылан еҥ, спортсмен-влакым вучаш тӱҥалыт.

Е.ЭШКИНИНА

Опубликовать в Одноклассники

Добавить комментарий