КУЛЬТУР ДА ИСКУССТВО

Уста йоча-влак верч

29 августышто И.С.Палантай лӱмеш тӱвыра да искусство колледжыште художественный образованийыште пашам ыштыше-влакын республикысе конференцийышт лийын. Тушто тӱҥ шотышто республикнан тӱвыра учрежденийже ден туныктымо организацийжылам вуйлатыше, методист, педагог-влак миеныт. http://xn--80aaajllkisg9bu3m.xn--p1ai/?p=16157Тудо тений  «Художественное образование Республики Марий Эл – территория творества» темылан пӧлеклалтын.

Тушто Марий Элын тӱвыра, печать да калык-влакын пашашт шотышто министрже К.Иванов эртыше тунемме ийым иктешлен, ыштышаш пашам палемден. Тудо поснак ялысе уста йоча-влаклан кугу тӱткышым ойыраш, кажныж дене посна вашлийын кутыраш кӱлмӧ нерген ушештарен. Республикын эртыше тунемме ийысе тӱвыра илышым документальный фильмыште иктешлен ончыктеныт. Видеофильм гоч район ден олаласе искусство школ-влакын сеҥымашышт, лўмгечышт нерген каласкаленыт. Поснак Всемарийский йоча хорым палемденыт.

Тений колледжыште у отделенийым почыныт. Тудо «Актёр музыкального театра» маналтеш. Тидын нерген Н.Жиганов лӱмеш консерваторийын (Озаҥ оласе) преподавательже, музыкальный театрын режиссёржо Евгений Артамонов кумданрак палдарен. «Выпускник ончыкыжым муренат, артист семын рольымат модын моштышаш, чыла велым шуаралтше лийшаш. Икманаш, тӱня мучко пашам ыштен моштышым туныктышаш улына», – мане тудо. Мероприятийыште эше икмыняр теме дене пайдале выступлений лийын. Кажныштыже у тунемме тургымышто пашам уэмден колтымо нерген ойленыт.

Мучашлан «Идалыкын преподавательже-2019» республикысе конкурсышто  сеҥыше, тӱвыра отрасльыште тыршыше пашаеҥ-влакым саламленыт.

 

У увер: тӱвыра аланыште У Торъял библиотеке 10 миллион теҥге проектым сеҥен налын. Тидыже шукыштлан ончыкыжым у конкурслашке ушнаш  шӱкалтыш семын лиеш.

Е.ЭШКИНИНА

Опубликовать в Одноклассники

Добавить комментарий