УВЕР ЙОГЫН

Газетлан возалт, акцийыш ушно

1 сентябрьыште Российыште жапын-жапын лекше печатлыме изданий-влаклан 2020 ийын икымше пелыжлан возалтме кампаний тӱҥалын. Тидын дене келшышын, элнан чыла почто пӧлкаштыже да https://podpiska.ru сайтыште 4200 утла журнал ден газетлаш подпискым ышташ йӧн лектын.

Россий почтын подписной каталогшо гыч федеральный, региональный але районный прессым выписатлаш лиеш. Сайтын навигацийже да теме, алфавит почеш кычалме йӧн-влак клиентлан келшыше журналым але газетым куштылгын муаш да подпискым кок-кум гана темдалме дене элнан чыла точкышкыжо ышташ полшат.

«Палемдыман, россиян-влак печатлыме изданийлам ончычсо семынак шуко лудыт. Газет-шамычлан ӱшанат, нуным поснак пагалат, – манеш «Российын почтыжо» ФГУП-ын генеральный директоржын почто бизнес да социальный услуго-влак шотышто алмаштышыже Ярослав Мандрон. – Компаний газет ден журнал-влаклан возалтме радамым лийме семын простаҥдаш тырша. Потребитель-влакын кумылыштым шотыш налеш да сайтым палынак йӧнаным ышта».

https://podpiska.pochta.ru/derevo-dobra сайтыште да чыла почто пӧлкаште «Порылыкын пушеҥгыже» поро кумыл акций эртаралтеш. Тудын кышкарыштыже кумылан чыла еҥ келшыше социальный тӧнежлан – йочапӧртлан, интернат-пӧртлан, ветеран але илалше шкет еҥ-влакын пӧртыштлан – подпискым ыштен кертеш.  

М.ИВАНОВА

Опубликовать в Одноклассники

Добавить комментарий