УВЕР ЙОГЫН

Шымше ий почела

Морко районысо Арын селаште православный лагерь эртен.

Тушко Марий Эл гыч веле огыл, тыгак Татарстан Республик,  Нижний Новгород ола гыч йоча-влак лийыныт. Лу кече жапыште нуно каненыт веле огыл, тыгак черке йӱла почеш илаш тунемыныт манаш лиеш. Арын черкын настоятельже Николай Чузаевын лӱмжо республикыште палыме. Тудо тыгак Марий митрополий пеленысе кусарыше комиссийымат вуйлата. Тудын тыршымыж дене черке литературым марлаш кусарыме паша сайын вораҥеш. А тыгай лагерьжым тыште ынде шымше кенеж эртарат.

Вожатый ден воспитатель-влак икшыве-шамычлан поян программым ямдыленыт.  Тӱрло модыш, конкурс, аттракцион дене пырля нуно святой верыш экскурсий денат коштыныт, крестный ходымат эртареныт. Йоча-влак деке унала марий митрополит Иоаннат миен. 

 С.НОСОВА

Опубликовать в Одноклассники

Добавить комментарий