Волжский районысо «Покровский» хуторын «Клинок» командыже «Православный воин» VII военно-спортивный тӱнямбал фестивальыште участоватлен.
Тудо Серафимо-Дивеевский монастырь деч тораште огыл эртен. Чылаже тӱрло кундем гыч 13 команде миен. Икымше верыш Саров ола гыч «Казачий острог» команде лектын. А Марий Эл гыч мийыше кумшо лийын.
Палемден кодыман, ты фестиваль мемнан да йот элла гычат военно- спортивный да патриотический клуб ден ушем-влакым иктеш чумыра. Нуно чыланат православий шӱлышан улыт. Таҥасымаш куд дисциплине дене эртаралтын. Рвезе-влак военный тактикыште, армейский, кинжал, шашке дене кучедалмаште, лазертагыште, страйкболышто шке мастарлыкыштым да вий куатыштым ончыктеныт.
Фестивальын участникше-влак монастрьыштат лийыныт, святой памаш вӱдыштат чывылталт лектыныт.
С.НОСОВА