КРАЕВЕДЕНИЙ

Йошкар-Ола мемнан «пӧртна»

Йошкар-Оласе Благовещений башньыште «Марий Эл Республикын поликультуртный картше» проект кышкарыште марий рӱдолана нерген палдарыше онай ончер Йошкар-Олан кечыжлан почылтын ыле.

Ойыртемалтше экспозиций. Йошкар-Ола тыште изирак пачер семын ончыкталтын. Тушто кажне кечын шке илышыж дене тыглай ик еш ила: ача, ава, эрге, ӱдыр пырля илат, шке пашаштым шуктат, тунемыт. Но чыла тидыж дене нуно шке йӧратыме олаштын вияҥмашкыже могай-гынат шке надырыштым пыштен толыт.  

Ончер марий рӱдоласе калыкыкнан чон моторлыкшым, порылыкшым шижаш полша. Ончаш толшо-влак шке илышышт гыч сӱрет-влакым тушто ӧрдыж гыч ужын да эскерен кертыт. Тидын годым нуно тӱжем дене тыгай ешым, тукымым ушышо кугу пӧртыштӧ – Йошкар-Олаште – илымыштым умылат.

 С.НОСОВА.

 М.Скобелевын фотожо.

Опубликовать в Одноклассники

Добавить комментарий