СПОРТ

Йӱр вошт

11 августышто Йошкар-Оласе «Арена» манеж воктене ече-роллер дене Марий Элын чемпионатше ден первенствыже эртеныт.

Таҥасымаште регионна, Чуваш Республик, Киров область гыч чылаже 115 спортсмен вийжым терген. Эн талыжым 5, 10, 15 километр кужытышто палемденыт.

Ты кечын кечыгут манме гай йӱр йӱрын. Калыкыште манмыла, пуйто ведра гыч оптен. Такшым икымше тўшка пиаланрак лийын. Туштыжо пӧръеҥ-шамыч выступатленыт.

Мо-гынат, таҥасымаш радамже дене эртен. Шке тӱшкаштышт МарГУ гыч Александр Сергеев ден Анастасия Андреева (Чебоксар), «Виктория» спорт школ гыч Артём Оголбцов ден Анастасия Морозова, Александр Шабалин (Юбилейный, «Виктория») ден Валентина Тикинева (Чебоксар), Александр Петров (Красногорский, «Виктория»») ден Каллиста Кускова (Чебоксар), Александр Васильев (Памар) ден Эмилия Бугрова (Чебоксар) икымше верым налыныт.

Е.ЭШКИНИНА.

Опубликовать в Одноклассники

Добавить комментарий