УВЕР ЙОГЫН

Чапле шӧр вигак койшаш

Роспотребнадзорын Марий Элысе виктемже шӧр, шӧр составан да шӧр улман продуктым ужалыше предприятий-влакын сатушто «Продукт шӧр коям алмаштыш деч посна» увертарен возымыштым терга.

Тений 1 июльышто Россий правительствын вийыш пурышо пунчалже дене келшышын, ужалыше предприятий-влак сатум налаш толшо калыклан шӧр коям алмаштыше вартыш деч посна ямдылыме шӧр продуктым ойырен ончыктышаш улыт.

Нарушенийым але сатун акшым ончыктышо кагаз пӱчкышыштӧ келшыдыме уверым ужмо годым граждан-влак Роспотребнадзорын Марий Элысе виктемышкыже 424007, Йошкар-Ола, Машмностроитель урем, 121-ше пӧрт адрес дене серышым возен кертыт. Тудым Роспотребнадзорын Обращенийын единый сайтышкыжат электрон формо дене («Граждан-влакын обращенийыштым налмаш» баннерым виктемын официальный сайтшын тӱҥ страницыштыже муаш лиеш), тыгак шуко функциян рӱдерын (МФЦ) отделенийлаже гочат колташ лиеш.

Ушештарена, ты йодыш шотышто эше «шокшо линий» пашам ышта:

  • Роспотребнадзорын Консультацийым пуышо единый рӱдерыштыже, телефон: 8-800-555-49-43 (сутка мучко);
  • Роспотребнадзорын Марий Элысе виктемыштыже, телефон: 8-800-707-61-77, 68-19-44 (10 гыч 17 шагат марте, 12 гыч 12.45 йотке – кечывал каныш).

М.ИВАНОВА

Опубликовать в Одноклассники

Добавить комментарий