УВЕР ЙОГЫН

Пайремет дене, Красногорский!

17 августышто Звенигово районысо Красногорский посёлкын кечыжым кумдан палемдат.

Мероприятий 9 шагат эрденак Пазар площадьыште йоча модыш аттракцион дене тӱҥалеш, 9.30 шагатлан 1-ше №-ан школын стадионыштыжо  футбол дене турнир лиеш. 11 шагатлан Пазар площадьыште Юл кундемын кубокшо верч мотокроссын 4-ше этапше эрта. Тыштак 14 шагатлан йоча театрализоватлыме представлений тӱҥалеш, а  Трубный посёлкышто – «Восход» (Красногорский) ден «Знамя» (Параньга) команде-влак коклаште Марий Элын футбол дене чемпионатше .

Пайрем 17 шагатлан Пазар площадьыште торжественно почылтеш, «Шочмо посёлко, Красногорский!» концерт, дискотеке лийыт, а 22 шагатлан кавашке сылне тулсавыш нӧлталтеш.  

М.ИВАНОВА

Опубликовать в Одноклассники

Добавить комментарий