Звенигово районышто Строительын кечыжым палемдыме йӱлам угыч шарналтеныт.
10 августышто КНАУФ заводышто тыршыше-влаклан кугу пайремым ыштеныт. Тушко пагалыме уна деч посна эше артист-влакым ӱжыныт. Мероприятийын торжественный ужашыштыже строитель-влакым КНАУФ заводын вуйлатышыже С.Страданченков, Звенигово район администрацийын вуйлатышыжым алмаштыше С.Ермолаев, Звенигово ола администрацийым вуйлатыше Т.Цыганова саламленыт, сай велым палемдалтше пашаеҥ-шамычлан награде ден шергакан пӧлекым кучыктеныт.
Районысо «Мечта» каныме да тӱвыра рӱдерын артистше-влак чапле концертым шынденыт. А «Тролли» йоча аниматор-шамыч опыт ден экспериментым ончыктеныт, икшыве-влакым модыктеныт, куштыктеныт.
М.ИВАНОВА
