СПОРТ

Кокымшо вер да эн сай-влак

3 августышто Канашыште (Чуваш Республик) 2009-2010 ийлаште шочшо ӱдыр-рвезе-влак коклаште футбол дене таҥасымаш эртен. Тушто Марий Элын чапшым Звенигово район Красногорский гыч «Восход» команде арален. Тӱҥалтыште шке тӱшкаштыже «Восход» 5 очко дене финалыш лектын. Тушто кок вашлиймаште ик командым 5:1 счёт дене сеҥен, кокымшо дене ничьям: 3:3 ыштен, ший медальым сеҥен налын.

Турнирын организаторжо-влак модмо коклаштак весела эстафетым эртареныт. Туштат мемнан-влак сайын выступатленыт.

Судья-шамычын палемдымышт почеш, командыште Дарья Забродинам эн кӱлешан модшо семын, а Артур Бариевым турнирын эн сай защитникше семын палемденыт.

Е.ЭШКИНИНА.

Опубликовать в Одноклассники

Добавить комментарий