Колынам, ынде тӱлымӧ налог кугыт гыч врачын рецептше почеш налме чыла эмлан оксам пӧртылтат. Чын мо?
Н.Смирнов.
Йошкар-Ола.
Йодышлан умылтарымашым Федерал налог службын сайтше гыч налынна:
— 2019 ий гыч врачын рецептше почеш налме эм препаратлан тӱлымӧ налог кугыт гыч оксам портылташ лиеш. Пӧртылтышашлык 13 процентше ончычсо семынак 120 тӱжем теҥге гыч лиеш. Идалыкыште эмлан утларакат кучылташ лиеш, но садак 15600 теҥгем гына пӧртылтат. Тидын годым тиде 120 тӱжем теҥгеш тунеммыланат, квалификацийым нӧлтымыланат, медицине услугыланат, молыланат тӱлымо роскот пура.
Эмлан тӱлымо роскот гыч социальный налог вычетым кок йӧн дене пӧртылташ лиеш:
— идалык мучаште 3-НДФЛ налог декларацийым пуаш да пеленже роскотым пеҥгыдемдыше документ-влакым пышташ. Сандене эмлан чекым кызытак погаш тӱҥалман.
— идалык мучаш марте налог органыште социальный налог вычетлан права улмым пеҥгыдедыше уведомленийым налман да тудын дене паша верысе бухгалтерийыш йодмаш дене лекман: тушто пӧртылышашлык вычет кугытым налын пытарымеш, пашадар гыч НДФЛ-ым кучен кодаш огыт тӱҥал.
Кок йӧнжо дене пайдаланыме годымат эмлан роскотым пеҥгыдемдыше тыгай документ-влак лийшаш улыт: врачын рецептше да оксам тӱлымым пеҥгыдемдыше чек, приходно-кассовый ордер, тӱлымо поручений да молат…
С.НОСОВА
