УВЕР ЙОГЫН

Йошкар-Ола гыч Москваш – икымше авиарейс

Таче Йошкар-Ола – Москва авиакыл угыч ышташ тӱҥалын. 6 шагатат 15 минут эрдене Марий Элын рӱдолаж гыч самолёт южыш нӧлталтын.

Тидым Марий Эл вуйлатыше Александр Евстифеев кугу событий семын палемден. Тудо шкежат тачысе рейсын пассажирже-влак коклаште лийын. Регион вуйлатыше палемден: кызытсе тӱняште авиакыл пешак кӱлеш – пашалан, туризмлан, канаш, эмлалташ да тунемаш кайышашлан, инвесторым савырышашлан.

Кок рӱдолам ушышо авиакорным угыч «Руслайн» авиакомпаний почын. Самолет командир Сергей Каскин Йошкар-Ола аэропортышто юж судно шичме-нӧлталтме полосам сайын ямдылен шуктымым палемден.

Марий Элын Федераций Советысе представительже Константин Косачев шке коллегыже, Федераций Советын аппаратшым вуйлатыше Сергей Мартынов дене пырля икымше рейс дене чоҥештен. Тудат аэропортын пашам угыч тӱҥалмыжым кӱлешанлан шотлен.

Ю.Исаков

Д.Речкинын фотожо. 

 

 

 

Опубликовать в Одноклассники

Добавить комментарий