Юрий Рос
КУЛЬТУР ДА ИСКУССТВО

Фотоштыжо – курым да тӱня

 


Йошкар-Олаште Национальный художественный галерейыште Юрий Ростын «Групповой портет на фоне мира» фотовыставкыже почылтын.

Сӱретче Киев олаште шочын, тусо физкультур институтым тунемын пытарен, вара — Ленинградысе кугыжаныш университетын журналистике факультетшым.  1960  ий мучаште «Комомольская правда» газетыште лу ий спецкорр лийын. Умбакыже «Литературная газета», «Московские новости», «Общая газета» редакцийлаште обозреватель да фотокорреспондентлан пашам ыштен. Кызыт «Новая газета» изданийыште ты пашамак шукта. Ю.Рост —  РФ Кугыжаныш, «Триумф — 2000» премий-шамычын лауреатше.

2008 ийыште эл-влак кокласе книга-ярмиҥгаште «Групповой портрет на фоне века» фотоальбомжо «Идалыкысе книга» номинацийыште палемдалтын.

 Юрий Ростын фотожо шкешотан.  Кажныштыже — мемнан коклаште илыше  ойыртемалтше айдеме, событий. Сӱретче фото пелен оҥай, ироний, мыскара сынан  шонкалымашыжым изи ойлымаш семын пуа. Авторын шонымыж почеш, тыге сюжет утыр вияҥеш.  Шке творчествыж дене Юрий Рост  пӱртӱс, тӱнясе калык  нерген шонкала.  Фотошто  палыме да пагалыме еҥ-влакын, поэтессе Белла Ахмадулинам, художник-мультипликатор Юрий Норштейным, писатель Фазиль Искандерым, молымат ужаш лиеш.

Фотосӱретче кажне геройжо нерген  нимучашдымын каласкален кертеш. Мутлан, ик фотошто академик, физик Андрей Сахаров пелашыж деке  Горький ола гыч ссылке деч вара пӧртылмыжым ончыкта. Фотосӱретыште мемнан пелен гениальный айдемын лиймыжым шижаш лиеш. Тыгак  Парижыште кинорежиссёр Отар Иоселиани дене вашлийме годым войзымат моткоч оҥай.

М.СКОБЕЛЕВ.

Авторын фотожо ден фоторепродукцийже. 

Снимкылаште: 0248- Ю.Ростын фотоончерышкыже толшо-шамыч шкаланышт ятыр оҥайым почыныт. Ю.Рост; (на даче в переделкино)-  поэт Б.Ахмадулина Переделкино дачыштыже черетан шедеврым сера, (театральный режиссер Ю.Любимов)- Режиссер Ю.Любимов, (Сельские девчонки в Мадагаскаре) – Мадагаскарын самырык тукымжо. (Мать и дитя) —  Непалысе ава ден икшывыже. (Ю.Шевчук) – музыкант Ю.Шевчук. (художник-мультипликатор Ю.Норштейн) — художник-мультипликатор Ю.Норштейн. (Юрий Рост)- Фотограф Юрий Рост.

Опубликовать в Одноклассники