Инвалид-влакын кумшо всероссийский спартакиадышкышт толшо участник ден уна-влаклан марий рӱдола дене палдарыше экскурсий-влак эртаралтыт.
Тыгай экскурсийже кас еда лиеда. А тидлан спартакиадын оргкомитетше акредитоватлыме 16 экскурсовод ден 7 волонтёрым ушен. Ончалашыже Йошкар-Олаште уло мом. Оланан историйжат оҥай. Маршрутшымат тазалык шотышто эмганен вияҥше еҥ-влаклан лӱмын келыштарен ямдылыме. Спартакиаде эртыме жапыште оласе чыла тошерышкат оксам тӱлыде миен толашышт йӧн уло.
А теве 17 июльышто Сеҥымаш бульварыште гын спартакиадын участникше-шамычлан марий кидмастар-влакын ярмиҥгашт эртыш. Тушто тыгак республикысе коррекционный школлаште тунемше-влакын кидпашаштат ужалалтыныт. Мутат уке, тыгай ярмиҥгаште уна-влак шке мӧҥгышкышт шуко сувенирым налын наҥгаен кертыт. Марий мастар-влакын сатуштым налаш йон кугарнянат лиеш.
С.Носова.
Снимкыште: уна-влакым олан историйже дене палдарыме экскурсийыште.