УВЕР ЙОГЫН

Ылыжаш амалым ышта

Телефон деч посна сетьыш чыкыме зарядный устройство пожарлан тӱҥалаш амалым ыштен кертеш маныт. А тыгай случайже лиедат мо?

Н.Муравьев.

Морко район.

Йодышлан Россий МЧС-ын Марий Элысе Тӱҥ управленийжын пресс- службыштыжо вашештеныт:

 — Чын, тыглай зарядный устройствым сеть гыч лукде кодымаш кугу туткарыш шуктен кертеш. Мутлан, июньышто гына Йошкар-Олаште икмыняр тыгай случай лийын. Зарядитлыше устройствым телефон деч посна розеткыш чыкен кодыман огыл. Тудо ырен да шулен кертеш. Тиде веле огыл, зарядникше качественный огыл але иктаж-могай ситыдымаш уло гын, напряжений вашталтме годым тудо ылыж кертеш. А кӱдырчан йӱр годым тыгай лӱдыкшӧ  эшеат кугемеш. Сандене телефоным шке улмо годым веле зарядитлыман, а вара тудым сеть гыч лукташ мондыман огыл.  

Опубликовать в Одноклассники

Добавить комментарий