Кеҥеж тӱҥалтыште ола мучко терген коштмо годым Гоголь кӱвар авыртышыш келыштарыме 19 кӱртньӧ ша укем пален налме.
«Йошкар-Ола» ола округ администрацийын муниципал погым виктарыме шотышто комитетше ден «Город» МУП пӱчкын налме йыргешке шарым уэш вераҥденыт.
Чаманен каласыман, Йошкар-Олаште оласе погым локтылмо кочо сӱрет шуэн огыл вашлиялтеш. Теҥгылым шалатат, йоча площадкеш шогалтыме авыртышым туген пудыртат. Кӱлеш гын, шӱкшакым кышкыме урным шалатен наҥгаят. Погым локтылшым мут кучаш шогалтен кертмат огеш лӱдыктӧ, витне.
Ола администраций ола кумдыкым сылнештарен сӧрастарыше шергакан тӱшка погым аралаш да аныклаш йодеш.
Р.Чепакова.
