УВЕР ЙОГЫН

Тоштерлашке – яра?

12 гыч 20 июль марте Йошкар-Олаште Инвалид-влакын III всероссийский кеҥеж спартакиадышт эрта. Тиде кугу мероприятий Российын тӱрлӧ субъектше гыч  уна-влакым вашлийын. Спартакиадын участникше-влаклан культур программе могайрак?

А.Филимонова

Йошкар-Ола

 

Тиде йодышлан Молодёжный политике, спорт да туризм министерствыште тыгерак вашештеныт:

—  Спартакидым почмылан да петырымылан пӧлеклалтше пайремлаште М.Шкетан лӱмеш Марий национальный, Г. Константинов лӱмеш руш академический да Марий самырык театрын, «Марий Эл» кугыжаныш куштышо ансамбльын артистше, Палантай лӱмеш тӱвыра да сымыктыш колледжын студентше-влак, тыгак барабанщик, вокал студийын, бальный куштымаш, спорт федерацийын коллективше-влак лийыт. Тыгак спартакиадын участникше-влак ончылно кажне кечын 18.00 гыч 20.00 шагат марте республикысе районла гыч толшо усталык коллектив-влак мастарлыкым ончыктат. Тылеч посна спортсмен-влаклан кажне кечын экскурсий эрта. А эн тӱҥжӧ кугу спорт мероприятий жапыште Спартакиадын участникше, судьяже, организаторжо, волонтёржо-влак тоштерлашке яра пурен, тусо экспозицийым ончен кертыт. Тидын шотышто эше кодшо годымак Марий Эл вуйлатыше Александр Евстифееват погынымаште ойлен ыле.

А.Байкова

Опубликовать в Одноклассники

Добавить комментарий