5 апрель гыч 15 июнь марте Рыбнадзор орган пуш гыч колым кучаш чара. Тидыже колын мӧртньым кышкыме пагытше дене кылдалтын. Тидын шотыштак рашемдынем: а эҥерыште але ерыште ты пагытыште пуш дене тыглай кошташ лиеш мо? Пуш дене коштмо годым рыбназдзор специалист-влак дене вашлиялтмеке, умылыдымаш ок лек?
И.Васильев.
Советский район.
Йодышлан Марий Эл Республикыште колым аралыше инспекцийын специалистше-влак вашештеныт:
— 15 апрель гыч 15 июнь марте колызо-влаклан моторан изи судныла дене вӱд умбалне ийын кошташ чарыме. Но моторан ийын коштшо суднышто колым кучаш лийше спининг, моло арвер уке гын, тиде чарак тыланда огыл. Тыглай пуш дене чылан коштын кертыт.
А колжым сер гыч тыглай эҥыр дене кучаш лиеш. Тидын годым ик эҥырыште кок руалтыш деч утла лийшаш огыл. Законым пудыртышо еҥым административно мут кучаш шогалтат да 2 гыч 5 тӱжем теҥге марте штрафым тӱлаш палемден кертыт.
