УВЕР ЙОГЫН

«Крымыште — руш гармонь»

24 гыч 30 июнь марте Крым Республикын Алушта олаштыже «Русская гармонь в Крыму» III всероссийский калык творчество фестиваль эртен.

Тушко Российын 33 регионжо, тыгак Германий гыч участник, усталык коллектив-влак погыненыт. Чылаже 500 еҥ мастарлыкым ончыктен. Марий Эл  гыч Курыкмарий кундемын шочшыжо, Россий культурын сулло пашаеҥже Арсений Яйцов миен.

— Ойырен налме тур кум кече эртен. Финалыш 28 коллектив лектын. Нунын коклаште мыят лийынам, — палдара уста гармоньчо. — Гармонист-солист-влак коклаште мастарлыкым ончыктенам.

Фестиваль гыч Сарапаево культур пӧртын аккопаниаторжо А.Яйцов икымше степенян лауреат лӱм дене пӧртылын.

А.Байкова

Фотом еш альбомжо гыч налме

Опубликовать в Одноклассники

Добавить комментарий