ПАТЫРЛЫК

ЭН САЙ ВОЕННО-ПАТРИОТИЧЕСКИЙ КЛУБ

Волжский районысо «СОБР» (Сотнурский отряд быстрого реагирования) военно-патриотический клуб, тудын пашаже да сеҥымашыж нерген газетыштына ик гана веле огыл возенна. Тений тудо «Победа» конкурсын икымше этапыштыже Марий Элыште эн сай военно-патриотический клуб семын палемдалтын.

А чылажат 2002 ийыште тӱҥалын. «СОБР» клубын вуйлатышыже – ОБЖ-ым туныктышо Олег Васильевич Иванов. Тыгак ты направлений дене воспитаний паша шотышто школ директорын алмаштышыже Валентина Николаевна Иванова ӱшанлын сомылым шукта. Тиде клубын воспитанникше-влак ятыр ий район, республик да Россий кӱкшытыштӧ эртыше тӱрлӧ смотр, конкурс, «Зарница», «Победа», «Патриоты Родины» да эртаралтше моло мероприятийлаште участвоватлат, ойыртемалтыт, сеҥыше ден призёр радамыш логалыт.

Ты тургымыштат клубын лектышыже путырак куандарыше.

«Полыш» акций

Изирак класс гычак поро, умылен моштышо лияш, икте-весылан полшаш, келшымашым пагалаш туныктат. Тидыже илышыште эн кӱлешан. Тунемме ийыште 5-11 классла гыч ӱдыр-рвезе-влак сарын ветеранже, шкет илыше шоҥго-шамычлан полшаш коштыт. Тыгак ойыртемалтше да герой землякна-влак нерген уверым погат. Волонтёр-влак чапкӱ ден обелиск йыр арулыкым эскерат. Тидыже землякна-шамычын подвигыштым, эл верч вуйым пыштымыштым самырык тукымын шарнымыж нерген ойла.

Спартакиаде

Призыв деч ончычсо молодёжь коклаште спартакиаде республикнан чыла районыштыжо эртаралтеш. Ты кундемыштат тудо йӱлаш пурен. Элнан ончыкылык патырже-влак районышто полиатлон дене вийыштым тергеныт. Кок кече таҥасымаште Сотнур школын командыже икымше верым налын. Личный зачётышто Д.Ушков (тудак абсолютный первенствыште икымше лийын), Г.Александров, Д.Яковлев, Д.Мшаров призёр радамыш логалыныт.

Шочмо элым аралыше

Районышто январь мучаш гыч февраль мучко шуйнышо военно-патриотический месячникым Сотнур школышто почыныт. Торжественный ужаш деч вара ял школысо «военно-патриотический паша – спорт дене эртаралтше да, физкультур дене таза‰дыме кўлешан сомылым ?» теме дене семинар лийын. Районысо школла гыч участник-влак «Ачамландым  аралыше» военно-спортивный модмаште (автоматым рончен погымаш, лӱйылтмаш, икымшке медицине полышым пуымаш, Отечествын историйжым палымаш…) вийыштым, уш-акылыштым тергеныт.  Чыла команде коклаште Сотнур школ адакат икымше вер дене палемдалтын.

Элнан ўшанле патриотшо-влак

19 февральыште Марий Элыште военно-патриотический клуб ден ушем-шамычын смотрышт эртен. Тудо самырык тукымым военно-патриотический шӱлышеш куштымо, военный службылан ямдылыме да тазалыкым шуарыме амал дене эртен. Конкурсын строевой ямдылалтмаш, лўйылтмаш, физически ямдылалтмаш йыжы‰ыштым – эртен, 40 клуб кокла гыч «СОБР» кокымшо верым сеҥен налын.

«Мый Российын гражданинже улам» акций

11 мартыште «Мый Российын гражданинже улам» всероссийский акцийын икымше этапше лийын. 6-9 класслаште тунемше-влак ямдылыме проектыштым араленыт. Кажне класс шке пашаж дене ойыртемалтын.

«Порым кондышо арня»

16-24 апрельыште тунемше-влак порылык арня акцийыш кумылын ушненыт. Тӱҥлан «Кинон идалыкше», «Кугу Отечественный сарыште сеҥымаш», «Моторлыкым шке кид дене», «Порылыкым – шке кид дене» акций шотлалтын. Тыгак тений ӱдыр-рвезе-влак «Сеҥымаш шовыч» акцийыш ушненыт. Кажне класс куэмеш Сеҥымаш верч вуйым пыштыше салтакын лӱмжым ончыктен.

Фронтовик-ветеран-шамычын лӱмышт дене келыштарен сӧрастарыме тўрлє шовычым школын фойешкыже луктыныт. 9 май деч вара ветеран-влакым шарныктыше шкешотан шовычым школ музейыш аралаш коденыт.

Тыгак ты кундемыште 9 майлан эртарыме пайрем тений шкешотан улмыж дене шарнаш кодын.

Мутат уке, школын, тунемше-шамычын, посна командын се‰ымашышт кажне туныктышын, класс вуйлатышын, пўтынь коллективын тыршыме пашашт дене кылдалтын, нунын сомылышт – нимучашдыме. Чытышыштлан, усталыкыштлан да воспитанникышт-влаклан моштымыштым кўлеш семын пуэн моштымыштлан, кугу илышыш чын корным ончыктымыштлан туныктышо-влак ончылно вуйнам савена.

«Поволжье-2016» зарнице

Тиде военно-спортивный модмаш 12 майыште эртаралтын. Команде-шамыч коклаште Сотнур школ (туштыжо 8-ше классыште тунемше-влак вийыштым тергеныт) кокымшо лийын. Икымше – Шарача кыдалаш школ.

Палашда: 2-6 июньышто Сотнур кыдалаш школышто «ОСОЛ» (Оборонно-спортивный, оздоровительный лагерь) лагерь пашам ышташ тӱҥалеш. Тушто тений районысо 10-шо класслаште тунемше 35 рвезе чумырга. Чылажат ончылгоч палемдыме программе почеш эрта.

Лишыл жапыште «СОБР» военно-патриотический клубын вуйлатышыже О.Ивановлан «Патриот Родины» медальым кучыктышаш улыт.

Е.Эшкинина.

Опубликовать в Одноклассники