P.S. Марий Элын ончычсо вуйлатышыже Леонид Маркеловын интересшым аралыше адвокат Москвасе Басманный судышто тудын ваштареш тарватыме уголовный делам обжаловатлен.
Тидын нерген «Новости» РИА адвокат Игорь Труновын ойлымыжлан эҥертен увертарен.
— Леонид Маркелов, Николай Криваш да Наталия Кожанова шотышто уголовный делам тарватыме нерген пунчалым Басманный судым законный огыллан шотлаш йодам. Россий Следствий комитет вуйлатыше Александр Бастрыкин деч пунчалым законный огыл семын кораҥдыкташ йодам, — каласен правозащитник.
