УВЕР ЙОГЫН

Тӱткышышт кӱлешан

27 июньышто Марий Элыш Россий президентын Юл кундем федерал округышто полномочный представительже Игорь Комаров паша дене толын. Тудын Волжск олаш миен коштмыж шотышто калыкын шонымашыжым лудаш темлена.   

Сергей Михайлович Мартьянов, «Мебель фабрике» ГК-н генеральный директоржо:

– Полпредын визитше – республикыштына кугу событий. Федеральный кӱкшытысӧ тыгай кугу вуйлатыше-влакын изи ола-влаклан тӱткышым ойырымыштым сай велым палемдем. Оланан промышленный улмыжым шотыш налын, полпред ден республикым вуйлатышын лачшымак мемнан предприятий-влаклан ойырымо тӱткышышт моткоч кӱлешан.

Икманаш, пеш пайдале визит. Тудын кышкарыштыже Волжсклан у ончыкылыкым почшо производственный ден социальный проект-влакым каҥашыме.

М.ИВАНОВА

Опубликовать в Одноклассники

Добавить комментарий