УВЕР ЙОГЫН

Сай вашталтыш коеш

27 июньышто Марий Элыш Россий президентын Юл кундем федерал округышто полномочный представительже Игорь Комаров паша дене толын. Тудын Волжск олаш миен коштмыж шотышто калыкын шонымашыжым лудаш темлена.   

Алексей Юрьевич Лукшин, «ГОРПЕЧАТЬ» типографийым вуйлатыше:

– Республик дене пырля мемнан оланат Россий президент Владимир Путинын темлыме национальный проектше-влакым илышыш пуртымашке ушнен. Тымарте ыштыме паша сай вашталтышым уже ончыкта: ола кумдык койын тӱзлана, парк ден ужар зоно-влак уэмдалтыт, социальный объект-шамыч чоҥалтыт.

Чыла тиде республиканский да федеральный кучемла полшымо дене шукталтеш. Национальный проект-влакын илышыш пурталтмыштым аклаш Волжскыш Россий президентын Юл кундем федеральный округышто полномочный представительже Игорь Комаров толын. Мемнан олаланна тиде – кугу визит.

Ончылнына эше – шуко задаче, но тиде – сай паша. Палем, Марий Элым вуйлатыше Александр Евстифеев Волжск кумдыкышто корным олмыкташ шушаш ийлан кок пачаш шуко оксам ойыраш пунчалын. Да тиде Президентнан эл, республик да ола ончылан шындыме вияҥме 12 тӱҥ проектше гыч иктыже гына.

М.ИВАНОВА.

Опубликовать в Одноклассники

Добавить комментарий