СОЦИАЛ ИЛЫШ

Торым тачат кораҥден огытыл

Общероссийский калык фронтын Марий Элысе активистше-влак «Генеральный уборко» проект кышкарыштышт санкционироватлыдыме свалкым рашемдыме да кораҥдыме мероприятийым умбакыже шуят. Кодшо кечылаште йырым-йырысе средам аралыме шотышто инспектор-шамыч Медведево район администрацийыш муниципалитетын кумдыкыштыжо улшо санкционироватлыдыме свалке-влакым кораҥдыме пашам вияҥдаш темлыме обращенийым колтеныт.

«Кумдыкым тергыме годым ужна: калыкын эше кодшо ийынак свалке картыш пуртымо верлам тачат эрыктыме огыл. Тылеч посна Санчурск трактыште, Кожласола ял ваштареш, да ПГТУ-н тунемме-опытым эртарыме чодыра озанлыкше йыр, посадке ден тошто чодыра чекыште, санкционироватлыдыме у свалке-шамычым муна», – каласкала ОНФ-ын чолга еҥже, йырым-йырысе средам аралыме шотышто общественный инспектор Алексей Маторкин.

ОНФ-ын «Генеральный уборко» проектшын картышкыже Йошкар-Ола тӱрыштӧ верланыше санкционироватлыдыме свалкат логалын. Калык фронтын еҥже-шамыч кучемын тӱткышыжым Советский урем ден 2-шо Олык изурем корнывожысо кумдыклан ойыреныт.

М.ИВАНОВА

Опубликовать в Одноклассники

Добавить комментарий