Республикысе 112 системе сутка мучко пашам ышта да тӱрлӧ азап лийме годым полша, увертара Россий МЧС-ын Марий Элысе кугыжаныш виктемжын пресс-службыжо.
112 номерыш мобильный, стационар телефон, телефон-автомат гыч яра да SIM-карте деч посна йыҥгырташ лиеш.
Службышко тыгай годым йыҥгыртыман:
– пожар;
– пачерыште але подъездыште газ чот ӱпша;
– ДТП;
– преступлений але общественный порядкым пудыртымаш.
112 службо «вашкеполыш» кӱлмӧ але чодыраште йоммо годымат полша.
Оператор дене мутланыме годым шкем ласкан кучыза да кушто мо лиймым раш увертарыза. Операторын йодышташ тӱҥалмыже але линийыште кодаш йодмыж годым пучым ида кудалте. 112 службышто адресым, тиде куштырак верланымым, йыҥгыртышын телефон номержым да лӱмжым йодын кертыт.
Йыҥгыртымылан Марий Эл Республикын увер рӱдерже вашешта. Тудо лачшымак могай специалистын полшен кертмыжым профессионал семын рашемда да вызовым келшыше службыш кусара.
М.ИВАНОВА
