21 июньышто Марий Эл ЦИК-ын черетан 105-ше заседанийже эртен.
Тушто «Партия Роста» всероссийский политический партийын Марий Элыште региональный ушемжын Марий Элын шымше созыв Кугыжаныш Погынышкыжо депутатыш кандидатлан темлыме республиканский спискым да ик мандатан избирательный округла деч темлыме спискым чынлан шотлымо нерген йодышым онченыт. Икымше спискыш ты партий 33 кандидатым, кокымшыш 20 кандидатым пуртен.
Тыгак комиссийын еҥже-влак территориальный избирательный комиссий-влаклан регистрироватлалтше кандидат, нунын ӱшанъеҥышт-шамычлан, избирательный ушем-влакын представительыштлан избиратель-влак дене вашлияш жапым палемдаш кӱштымӧ нерген пунчалым пеҥгыдемденыт.
Л.КАМАЛЕТДИНОВА.
