Шукерте огыл Томскышто эртыше «Ярче» пелемарафонышто Российын кубокшо верч таҥасымаште землячкына, Морко район гыч Алина Прокопьева, 21,2 километрыште (1:13:47) кокымшо верым сеҥен налын.
Алина кызыт Чувашийын да Москва областьын чапыштым арала. Тиде трассыштак, но марафонышто, Алинан тукым шӱжарже Раисия Иванова ший призёр лийын.
Тений Томскысо марафонышто 18 эл да Российын 44 регионжо гыч ныл тўжем участник вийжым терген.
Тидын деч ончыч А.Прокопьева тӱнямбал чемпионатыште участвоватлаш нормативым шуктен.
Е.ЭШКИНИНА.
