Таче Морко районысо Октябрьский ФАП-ыште «Порылыкым – ялыш» всероссийский акций эрта.
Консультацийым терапевт, гинеколог, педиатр, невролог да дерматолог эртарат. Онкологий да шӱм-вӱргорно дене кылдалтше черым рашемдыме шот дене пациент-шамычын вӱргорно, шинча кӧргысӧ давленийыштым, вӱрысӧ холестериныштым, сакырыштым висат, шӱмым ЭКГ йӧн дене шымлат, йодыштыт да тазалыкым эскерыме шотышто ой-каҥашым пуат.
Дерматолог коваштыш лектын кертше осал пуалшым дерматоскоп полшымо дене терга. Флюорограф да маммограф дене шыҥдарыме куснылшо медицине комплекс пашам ышта. Волонтёр-влак (студент-медик-шамыч) чер профилактике да таза илыш-йӱла йодыш дене мастер-классым эртарат.
М.ИВАНОВА
