УВЕР ЙОГЫН

Кажне йодыш – сайлымаш нерген

Шуматкечын, 15 июньышто, Йошкар-Олаште, Мер-политике рӱдерыште, «Единый Россий» партийын марий региональный отделенийжын XXVI конференцийже эртен.

Конференцийыште 11 йодышым онченыт. Нуно сайлымаш кампаний дене кылдалтше лийыныт.

Шолып йӱклымаш дене тушто республиканский избирательный округышто да ик мандатан округлаште Марий Элын шымше созыв Кугыжаныш Погынышкыжо депутатыш кандидат-влакын спискыштым темленыт.

Партийын региональный отделенийжын предвыборный программыжым делегат-шамыч ик йӱк дене приниматленыт.

Тиде конференцийыштак избирательный ушемын уполномоченный еҥыштым палемденыт, сайлымаш кампанийлан эмблеме ден печатьым, тыгак, партийын уставше дене келшышын, марий региональный отделенийын региональный контрольный комиссий нерген положенийжым пеҥгыдемденыт.

Л.КАМАЛЕТДИНОВА.

Опубликовать в Одноклассники

Добавить комментарий