Шукерте огыл «Школа национального блогера – этноблогера SMM» регионально-образовательный этнотуристический проектын кеҥеж семинаржым эртарыме шотышто пресс-конференций лийын. Тудым ты проектын организаторжо-влак эртареныт.
Семинар 12-22 июньышто лиеш. Проектым «Интеллектуал» тӱвыра увер-рӱдер Президент грант полшымо дене илышыш шыҥдара.
Семинар 13 июньышто «Точка кипения – Йошкар-Ола» площадкыште официально почылтеш.
– Проектыш ушнышо еҥ умылышаш: ме обществыште кӱлеш лийшаш, шкан, тыгак калыклан пайдам кондышаш улына, – иктешлыме семын пеҥгыдемдыш вашлиймашын организаторжо Э.Куклина.
Е.ЭШКИНИНА.