УВЕР ЙОГЫН

Изи Какшан серым пеҥгыдемдат

Йошкар Олаште, Водопроводный ден Красноармейский уремла тураште Изи Какшан сер йырым пеҥгыдемдат.

Шошым эҥер вӱд нӧлталтын ташлыме, серын урын волымыж деч ты кумдыкым 440 метр кужытан чоткыдо бетон тамбе арален кучаш тӱҥалеш. Чоҥышто-влак мландыш кырышаш 470 кӱкшӧ бетон свай гыч 250 утлажым вераҥден шуктеныт.

Пашазе-влак ты жапыштак конден опталме ошмам тӧремдат, серым пеҥгыдемдат. Тылеч вара тыгыде кӱ, вишкыде бетон пудырго вартышым шараш тӱҥалыт да монолит тайылан аралтышым ыштат. Ты пашам подрядчик ноябрьлан мучашлен шуктышаш.

Р.ЧЕПАКОВА.

Опубликовать в Одноклассники

Добавить комментарий