УВЕР ЙОГЫН

Суапле пашам ыштымыланда тау!

Социальный сферын пагалыме пашаеҥже ден ветеранже-влак!

Тендам социальный пашаеҥын кечыж дене саламлем!

Тиде – ответственный да суапле пашалан шке илышым пӧлеклыше, полыш деч посна илен кертдыме  еҥ-влак верч  кажне кечын азапланен шогышо  чыла еҥын пайремже.

Марий Эл Республикын социальный аралымаш системыштыже 3 тӱжем утла еҥ тырша. Нуно кӱлешан пашаштлан  да суапле миссийыштлан  ӱшанле тале профессионал улыт. Тидыже куандара: мемнан социальный пашаеҥна-влак социально обслуживатлыме  пашан пайдалыкшым  кугемден толшашлан кызытсе жаплан келшыше тӱрлӧ йӧным кучылтыт, кугыжаныш социальный политикым  шуктымаште кеч-кунамат сайын да кугу ответственностьым умылен участвоватлат.

Тачысе кечылан республикыште илыше калыкын  ик кумшо ужашыже тӱрлӧ полышым налын шога. Утларак  кугу нелылыкыш логалше да аралалтдыме еҥ-влаклан кугыжаныш социальный обслуживаний учреждений-влак тичмаш комплекс услугым ыштен шогат. 8,5 тжем еҥлан полыш мӧҥгыштӧ пуалтеш. Тыршен пашам ыштымыштлан, шке пашалан ӱшанле, тыршаш кумылан улмышталан да пашам ыштен  моштымыштлан  чыла социальный пашаеҥлан  алал кумылын таум ойлем! Отрасльын ветеранже-влаклан поснак кугу тау, нуно  самырык тукымым йырым-йыр улшо  еҥ-шамычым пагалыме да нунылан полшаш ямде улмо шӱлышеш  воспитатлымашке кугу надырым пыштат.

Чылаланда пеҥгыде тазалыкым, ласкалыкым, улан илышым, ончыкылан ӱшаным да творчески кушкаш алал кумылын тыланем. Тек тендан шинчымашда, пашам йӧратымыда, шӱм-чон шокшыда ончыкыжат еҥ-влаклан служитлат, илышыште вашлиялтше нелылыкым  сеҥен лекташ полшашт, эрласе кечылан  ўшаным пеҥгыдемдат!

Ешланда алал кумылын таум ойлем илышыште чыла сайым, лишыл еҥда-влаклан  тазалыкым,  тыланда кӧргӧ вий-куатым тыланем, ончымо еҥда-влак тек тендам шыргыжалын гына вашлийыт!

Марий Эл Республикым Вуйлатыше А.А.Евстифеев

Опубликовать в Одноклассники

Добавить комментарий