ЛӰМГЕЧЕ

Чапле лӱмгечыда дене, маэстро!

Чапланыше композитор, МАССР-ын да Татарстан Республикын Кугыжаныш премийыштын лауреатше, МАССР, РСФСР да Татарстан искусствын сулло деятельже, Озаҥ оласе Н.Г.Жиганов лӱмеш кугыжаныш консерваторийын профессоржо Анатолий Борисович Луппов 2 июньышто 90 ийым темен.

Чапле лӱмгечыжлан маэстро Озаҥ консерваторийын Кугу концерт залыштыже пайрем концертым эртарен.

Анатолий Луппов мемнан республикыште икымше марий балетлан негызым пыштышылан шотлалтеш. Тудо Э.Сапаев лӱмеш опер да балет академический театрын историйышкыже волгыдо тӱсым пуртен. «Чодыра сем» балетше –  театрын визитный картычкыже. А.Луппов шке сочиненийлаштыже марий калыклан лишыл семым кучылтеш.

Пайремын озажым саламлаш Марий Элын тӱвыра, печать да калык-влакын пашашт шотышто министр Константин Ивановат миен.

 

А.БАЙКОВА 

Опубликовать в Одноклассники

Добавить комментарий