Юл кундем округысо кадет корпуслаште тунемме тургымым мучашлат, торжественный мероприятийлам эртарат. Мутлан, Пошкырт, Татарстан, Удмуртий, Чуваш, Пермь, Нижегородский кадет корпуслаште тунемше 256 выпускниклан пытартыш йыҥгыр йоҥген.
Юл кундемысе федерал округысо генерал В.Ф.Маргелов лӱмеш Нижегородский кадет корпусышто торжественный построенийыште Россий президентын Юл кундемысе полномочный представительже И.Комаровын полышкалышыже В.Колчин тудын саламлымашыжым лудын.
«…Российлан тендан усталыкда, чолгалыкда, патырлыкда, патриотизм кумылда кўлыт. Тыланда полшышо, нелылыкым чытен лекташ туныктышо-влакланда тау», – палемдыме тушто.
Тений кадет корпусласе выпускник-влак кокла гыч шукышт илышыштым Вооружённый Вий, службо дене кылдаш шонат. Нунын коклаште Марий Эл гычат ятырын улыт.
Палемдыман, ПФО-што «КаДетство» проект 2013 ий гыч шыҥдаралтеш. А Нижегородский кадет корпус – «КаДетство» проект кышкарыште чумырымо вич окружной кадет корпус гыч иктыже. Тудо РФ Обороно министерствын патронатше почеш ышталтын. Тыгай статусым тудлан 2015 ий 21 декабрьыште пуымо.
Е.ЭШКИНИНА.
