СПОРТ

Келшыже, оҥай лийже манын…

Инвалид-влакын III всероссийский кеҥеж спартакиадыштлан Марий Элыште чолганак ямдылалтыт. Тудо 12-21 июльышто эрта.

Тудым почаш Тӱвыра, печать да калык-влакын пашашт шотышто министерстве сценарийлан проектым ямдылен. Спартакиадым 14 июльышто «Марий Эл» ий полатыште 19 шагатлан торжественно почыт.

Ты жапыште ий полатын фойештыже инвалид йоча-влакын ыштыме сувенир-выставкышт лиеш. Ийготыш шудымо-влаклан «Журавушка» социально-реабилитационный рўдерын пашаеҥже, уш дене варашрак кодын вияҥше йоча-шамычлан Савинысе йоча интернат-пӧртын, йоча да молодёжь-влакын усталык полатыштын пашаеҥышт, воспитанникышт декоративно-прикладной искусство да робототехнике дене мастер-классым ончыктат.

Участник ден уна-влаклан чыла шотыштат (лекше йодышым рашемдашат) волонтёр-влак полшат. Молодёжный политике, спорт да туризм министерствыште пашам ыштыше-шамыч нунылан инструктажымат эртареныт. Эртыше кечылаште таҥасымашлам эртарышаш спорт объектлам ончен лектыныт, мероприятийын ойыртемже дене лишкырак палыме лийыныт.

Спартакиадыште чылаже 360 волонтёр пашам ышташ тӱҥалеш.

Е.Эшкинина.

Опубликовать в Одноклассники

Добавить комментарий