КУЛЬТУР ДА ИСКУССТВО

Яйцов Марий Турекыште лийын

Курыкмарий кундемын шочшыжо,  Россий культурын сулло пашаеҥже Арсений Яйцов поро кумылым ончыктымо концерт программе дене Марий Турек районысо Нартас кыдалаш школыш миен коштын.

Арсений йоча-влаклан шочмо кундемже нерген кӱчыкын каласкален, шке илыш-корныжо да усталык пашаж дене палдарен.

А кастене Токпай ялыште илыше-влаклан уста гармонист кӱслезе Инна Михатова дене пырля изирак концертым ончыктеныт.

— Вес кечынже ме «Келшымаш тулото» фестивальыш ушненна. Тушто шкенан районын чапшым араленна. Ме гармоньым, кӱслем шоктен, курыкмарий семым колышташ темленна гын, Нартас школын туныктышыжо-влак Светлана Бочарова ден Светлана Милочкина курыкмарий кочкыш дене сийленыт, — палемден А.Яйцов.

А.БАЙКОВА

Д.Кочергинын фотожо

Опубликовать в Одноклассники

Добавить комментарий