УВЕР ЙОГЫН

Оргкомитетым ыштыме

Марий Элыште Кугу Отечественный сарыште Сеҥымылан 75 ий теммым пайремлаш ямдылалтме шотышто оргкомитетым ыштыме. Тудын составышкыже республикысе исполнительный кучем орган, район-влакын вуйлатышышт, ветран  ден мер организаций-влакын  еҥышт пуреныт.

Тидын нерген  кӱштымашеш Марий Элым вуйлатыше кидым пыштен. Тиде документ дене келшышын, оргкомитетым  Марий Эл правительстве председательын  икымше алмаштышыже  Михаил Васютин вуйлата, тудын алмаштышыжлан региональный правительстве  председательын алмаштышыже  Степан Ворнцовым шогалтыме.

Оргкомитетын тӱҥ задачыже – республикыште 2020 ийыште Сеҥымашлан 75 ий темме лӱмеш  эртаралтшаш пайрем мероприятий планым ямдылымаш да шуктымаш. Чылаже 60 утла тыгай мероприятий лийшаш.

Марий Эл Республикым  вуйлатышын организаций да аналитике виктемжын  уверже негызеш П.ШАКИРОВ ямдылен 

Опубликовать в Одноклассники

Добавить комментарий