23 майыште Звенигово районышто школым тунем пытарыше-влаклан пытартыш йыҥгыр йоҥгалтын.
Тений Провой кундемыште 11-ше классым 137, 9-ше классым 426 ӱдыр-рвезе тунем пытарен. Кыдалаш шинчымашым налше 17 выпускник «Тунеммаште поснак сай сеҥымашым ончыктымылан» медальым тавала.
Пайрем кечын Провой кундемысе чыла школышто Звенигово район администрацийын еҥже-влак саламмут дене лийыныт. А Звенигово оласе лицейыш да 1-ше №-ан школыш Марий Эл правительстве председательын алмаштышыже Илга Дравниеце миен. Саламмут деч вара тудо экзаменым сайын кучаш, чын илыш корным ойырен налаш, туныктышо, ача-ава, лишыл еҥ-влакын ӱшаныштым сулаш да профессийлан тунем лекме деч вара шочмо кундемыш пӧртылаш тыланен.
М.ИВАНОВА
