Тений Марий Эл гыч 14 рвезе «Артекыште» лийын. Нунын кокла гыч кандашыже «Школа юных корабелов» проектыште участвоватлен, а кудытшо – самырык моряк-влакын «Дорога в море» IV всероссийский сборыштышт.
Кум сменыште артековец-шамыч Петр I ботикшын копийжым чоҥен шуктеныт. Икымше ден кумшо сменыште йоча судоверфьым Марий Эл гыч специалист-влак вуйлатеныт. Икымшыштыже – «Паллада» парус клубын председательже, Козьмодемьянскыште патриотический воспитаний шотышто вуйлатышыже Андрей Желудкин, а кумшо сменыште – ты рўдерынак специалистше Александр Деманов.
2019 ий 22 майыште «Артекыште» ботикым вӱдыш торжественно колтеныт. Йоча-влак моткоч куаненыт. Чылан тудын дене теҥызыш лекташ шонат. Ботикыш эн ончыч логалше палладовец – Артём Кирпичников.
Е.ЭШКИНИНА.
