Шошымсо да кеҥежымсе кумалтыш-влак Кугураклан (Курык Кугызалан) лийыт. Игече мотор, шурно лектышан лийже, кӱтӱш лекше вольык сайын тӱланыже, пакчасаска тырлыже манын пелештат. Кеҥежымсе пӱртӱсын осал вийже деч аралтышым йодын кумалыт.
Кумалтыш радам дене Марий юмыйӱла ушем палдара:
22 май — Волжский район Кожласола;
Звенигово район Эсмекпляк, Ташнур ял-влак;
3 июнь — Советский район Яҥгранур, Пивактын починга, Шуймучаш, Мугыл, Кукмарий, Шанер, Ваштаршӱ, Кундышӱмбал, Ашламаш, Кораксола ял-влак; У Торъял район, Кужэҥер район Шинур ял Агавайремыш лектыт;
4 июнь — Марий Турек район Тошкем ял;
9 июнь — Советский район Немыч, Яҥгранур ял калык Курык Кугызалан кумалеш; Йошкар-Олаште Агавайрем кумалтыш лиеш;
Марий Турек район Кӱшыл Турек, Марий Купта — Агавайрем;
10 июнь — Советский район Тапшер, Колыгудо, Кугэҥэр, Опанассола ял-влак;
11 июнь — Марий Турек район Акпатыр ял;
14 июнь — Марий Турек район Сардаял;
15 июнь — Йошкар-Олаште Агавайрем Юмылан иктешлен вуйым савымаш;
16 июнь — Советский район Колыгудо ял Курык Кугызалан кумалеш;
У Торъял районысо Тушнур ял, Марий Турек район Кушыл Мосара ял кумалтыш-влак;
17 июнь — Советский район Кугунур, Эҥермучаш,
У Торъял район Эшымсола отылаште Агавайрем кумалтыш;
19 май — Марий Турек район Ӱлыл Турек ял кумалтыш;
20 июнь — Параньга район Кугу Пумарий — Агавайрем кумалтыш;
22 июнь — Параньга район Памашъял — Агавайрем кумалтыш;
23 июнь — Советский район Ӧрша селаште,
У Торъял район Семисолаште ял кумалтыш-влак;
Чумбылат курыкышто Курык Кугызалан вуйым савен кумалмаш.
30 июнь — Советский район Пактек ден Кукмарий Вӱд Авалан кумалыт; Вечын ден Колянурышто кумалтыш-влак эртат.
С.НОСОВА
