21 майыште «Марийскавтодор» ГКУ-што общественный инспектор-влаклан туныктымо семинар эртен. Нуно ончыкыжым республикыште «Лӱдыкшыдымӧ да качестван автомобиль корно» национальный проект кузе шукталтмым тергаш тӱҥалыт.
Предприятий директор А.Аверин мероприятийыын участникше-влаклан корнылаште чӱчкыдын кудалыштмылан да транспорт ешаралтмылан кӧра региональный значениян, тыгак Йошкар-Ола кумдыкысо корнылан утыждене кугу нагрузко ышталтеш. Тиде амал дене, тыгак тӧрлатыме-ачалыме пашалан окса ситышын огыл ойыралтмылан кӧра корно чот локтылалтше. Ты сӱретым шотыш кондышашлан йӧн икте – «Лӱдыкшыдымӧ да качестван автомобиль корно» (БКАД) нацпроектыш ушнымаш. Тиде Марий Эллан веле огыл, пӱтынь Российлан пайдале.
БКАД нацпроектым илышыш шыҥдарышашлан республикыште кум региональный проект ышталтын – тиде «Корно сеть», «Корно озанлыкым вияҥдыме общесистемный мера-влак», «Корно движений лӱдыкшыдымылык».
Мероприятийыште палемденыт: ремонт пашам эртарыме годым у технологий ден материал-влак кучылталташ тӱҥалыт.
Семинарыште ремонт пашам эртараш подрядчик-шамычым палемдыме, пашам кузе шуктымым тергыме йӧн нерген йодышым тарватеныт.
Мероприятийым иктешлышыжла, «Марийскавтодор» ГКУ директорын алмаштышыже А.Кривортов палемден: БКАД нацпроектын тӱҥ шонымашыже – «Лӱдыкшыдымӧ корным пырля ыштена».
Л.КАМАЛЕТДИНОВА.