5 сентябрьыште Козьмодемьянскысе А.В.Григорьев лӱмеш художественно-исторический тоштер 100 ияш лӱмгечыжым палемда.
Шке жапыштыже сӱретче Александр Владимирович Григорьев тоштерысе сӱрет галерейым «Юл воктенысе кокымшо Третьяковко» манын ойлен. Шӱдӧ ийыште тоштерыште тӱрлӧ кундем гыч ятыр уна лийын да поро шарнымаш дене кызытат тудым шарналта.
Лӱмгече вашеш тоштерын коллективше кумылан кажне еҥым «Усталык шӱлышан пӧлек» акцийыш ушнаш ӱжеш. Тудо почеламутым лудын, мурен, сӱретлен але куштен кертеш. Эн сай видео-саламлымашлан приз лиеш!
А.Байкова.
